Satt eða logið?

Eins gott að einhver fótur sé fyrir þessum ásökunum. Ef ég væri eigandi verslunarinnar og hefði ekki heyrt um þetta, myndi ég kæra þetta um leið. Þetta er grafalvarleg árás á viðkomandi verslun. En ef viðbrögðin eru ekki meiri en þessi, leggur fólk saman tvo og tvo.

Engin kvörtun um maðka í nammibar

Hreingerning.

Sælt veri fólkið. Ég vil óska V.R. félögum til hamingju með hreingerninguna í forystuliði sínu. Ég verð nú samt að lýsa undrun minni yfir því algera áhugaleysi sem félagsmenn sýndu með hörmulegri þátttöku í þessum kosningum. Af 25 þús. félagsmönnum kusu skitin 6000+. Við skulum vona að fólk verði ekki svona áhugalaust í væntanlegum þingkosningum. Nú vil ég sjá met þáttöku þegar að þeim kemur. Allt undir 90% atkvæðabærra manna er fíaskó. Sama hreingerningin verður að fara fram í gegnum allt samfélagið. Sýnum í verki að okkur stendur ekki á sama. Sæl að sinni.

Rannsókn.

Sælt veri fólkið. Happa fengur þessi rannsóknardómari. Sjáið þið fyrir ykkur íhaldið fá svona þungavigtar manneskju okkur til aðstoðar? Hverja haldið þið að þau muni finna sem innstu koppa í búri? Ég er viss um að stór nöfn innan úr innsta hring bláu handarinnar munu finnast ef einhver alvara verður úr þessari rannsókn. 90% af ræningjunum eru stuðningsmenn hverra? Reikniði sjálf þetta dæmi. Ekki furða að reynt sé með öllum ráðum að tefja störf núverandi stjórnar. Ef ekki verður tekið af hörku á þessum málum nú þegar, mun tækifærið renna okkur úr greipum. 30% þjóðarinnar er tilbúin að hilma yfir með þessu stærsta ráni íslandssögunnar. Því verðum við að vera á tánum er kemur að kosningum. Sæl að sinni.

VR félagar!!!!!!

Sælt veri fólkið. Ég er með spurningar til félagsmanna VR. Hvað eru margir búnir að kjósa? Ég vissi að eftir 3 daga voru um 1800 manns búnir að nota atkvæði sín. Var að lesa grein DV. í dag um lúxusinn og flottræfilshátt stjóranna. Ætla félagsmenn ekki að fylkja liði og hreinsa þessa gelti út? Búið er að moka fjármunum undir þetta lið og lifir það í vellystingum af iðgjöldum félagsmanna. Hvernig í andskotanum haldið þið félagsmenn að þessir menn hafi hundsvit á að tryggja ykkur mannsæmandi laun? Þeir búa í sínum fílabeinsturnum, keyrandi á múltímilljóna lúxuskerrum þurfandi ekki einu sinni að drullast til að borga eldsneytið á 8 GATA TRYLLITÆKJUM, Á YKKAR KOSTNAÐ. Hvað ætlið þið að gera??? NOTIÐ ATKVÆÐI YKKAR. Ef ekki, þá er ykkur ekki viðbjargandi. Svona hrægammatímabili á að ljúka straks. Ert þú með skitinn 120 þús. kall á mánuði? Skoðaðu mánaðarlaun þessara manna. Sæl að sinni.

Til frambjóðenda.

Sælt veri fólkið. Nú eru framundan slagsmál frambjóðenda um athygli og fagurgala. Mig langar að koma nokkrum atriðum á framfæri til þessa fólks. Eins og ástandið er núna er eins gott að frambjóðendur athugi það að kjósendur líta afar gagnrýnum augum á allt sem heitir loforð og falsímyndir. Þeir skulu athuga vandlega að þeir eru að sækjast eftir að komast til valda og höndla með fjöregg heillar þjóðar. Framapotarar skulu athuga að þjóðin mun aldrei líða það að fólk sé aðeins að koma sér á jötuna. Nú er verið að leita að harðduglegu og óeigingjörnu fólki sem setur þjóðina í forgang. Flokkadrættir skipta í raun engu máli. Öllum er ætlað að leggjast saman á árarnar að rífa þjóðina upp úr þessum öldudal. Við viljum fólk með bein í nefinu. Hálfdrættingar skulu halda sig heima. Þið eruð ekki að fara út í sjálfboðavinnu fyrir íþróttafélag eða smáklúbb. Botnlaus vinna er framundan. Tími veisluhalda og einkavinaklúbbanna er liðinn. Sæl að sinni

Bullið í sumum.

Sælt veri fólkið. Ennþá streymir ruglið frá Stef. F. Stef. hér á bloggsíðunni. Það rennur frá honum eins og gamla Mogganum hver rökleysan á eftir annarri. Með ritskoðun sinni á athugasemdarlista sínum neyðir hann mig bókstaflega til að eyða tíma í að blogga um steypuna sem rennur frá honum. Nú tók steininn úr um þvæluna í manninum. Hann ræðir hér um norskan stjórnmálamann í Seðlabanka okkar. Skilur þú ekki Stefán að krafan um að stjórnmálamaður skuli ekki verða Seðlabankastjóri er til að koma í veg fyrir hagsmunatengsl hans við hans gamla flokk? Fyrrum norskur stjórnmálamaður hefur engin tengsl, enga vini og vandamenn sem hægt er að hygla. Ég veit af skrifum þínum að þú ert mjög sáttur við að þínir menn létu þjóðinni blæða út á sinni vakt. Þú myndir styðja hryðjuverk af þeirra völdum. Enga ábyrgð skal taka. Ekki veit ég hvaða starfi þú gegnir, en mig grunar að þú sért enn einn framapotarinn innan íhaldsins. Vel launaður örugglega því þú ert tilbúinn að borga allar þær skuldir sem steypst hafa yfir þjóðina. Sæl að sinni.

Hugleysi.

Sælt veri fólkið. Hef tekið eftir því að það fjölgar bloggurum sem ritskoða athugasemdir sem gerðar eru við færslur þeirra. Fór að rannsaka þetta og fann út, að langstærstur hópur bloggara sem þetta gerir eru hægrimenn. Þarna er þeim aldeilis rétt lýst. Ef rök þeirra standast ekki, loka þeir bara eyrum og augum. Þeir eru komnir með hliðarplatta á augun eins og dráttarklárarnir hér áður fyrr. Það er með ólíkindum að menn skuli  ekki hafa hugrekki til rökræðna án ritskoðana. En, það verður að virða þeim til vorkunnar að þeir eru rökþrota. Þeirra menn slátruðu þjóðinni og hvernig á að verja það? Jú, með ritskoðun. Ekki segja að þetta sé gert vegna bloggdóna því þeir eru hverfandi sem betur fer. Þetta kallast einfaldlega "HUGLEYSI". Ætla hér eftir að sniðganga þessa dráttarklára. Sæl að sinni.

Bankinn minn!!!!!!

Sælt veri fólkið. Ég fraus yfir viðtali Davíðs nafna míns í kastljósinu í gærkveldi. "Bankinn minn" skar svo í eyrun að það var verulega óþægilegt. En þarna sat vonsvikinn og beygður maður að reyna að hvítþvo sjálfan sig. Þessi fyrrum sterki leiðtogi virðist ekki alveg tilbúinn að viðurkenna að hans tími er liðinn. Hann sem ætti manna best að vita að svona vilja fæstir hafa eftirmæli sín. " Hann endaði feril sinn í stríði við þjóð sína" Ekki geðslegur endir á ferli nokkurs manns. Ég fer ekkert í grafgötur með það að ég fylgdist af aðdáun með þessum hörku framkvæmdar pólitíkus og húmorista á hans fyrstu árum í stjórnmálum. Hvað í ósköpunum gerðist? Hann er gangandi dæmi um að valdið spillir. Hann sat það lengi við völd að hann missti sambandið við almenning. Mannskepnan virðist ekki geta þolað of mikla velgengni án þess að allt hrynji í kring um hana. Aðeins hirðin í kringum þessa aðila dansar eftir tiktúrum viðkomandi og jarmar öll í kór. Ef einhver innan þess hóps dirfist að horfa gagnrýnum augum á kónginn, er honum fleygt út í ystu myrkur. Þess vegna missir hann öll tengsl út í samfélagið. Hann getur bara ekki haft rangt fyrir sér. "Ja, hirðin segir það allavega, ekki satt ha? Slæmur endir á athyglisverðum ferli. Sæl að sinni.

Valdarán undirbúið?

Sælt veri fólkið. Sama óþefinn leggur af nýjasta útspili Framsóknarflokksins og gerðist í borgarmálunum. Íhaldið er að ná að sundra samstöðuni. Fylgjumst með hvaða bitlinga Höskuldur fær þegar hann hefur náð að kljúfa allt í herðar niður. Rotturnar smeygja sér ínn um allar smugur. Virkjum rottufangarana straks. Sæl að sinni.

Við bíðum enn.

Sælt veri fólkið. Gott Silfrið í gær. Afar athyglisvert að hlusta á enn einn lögfræðimenntaðann mann undrast aðgerðaleysi yfirvalda í málum þjófanna. Aftur og aftur fáum við það staðfest að haldið var hlífiskildi yfir þessum mönnum frá æðstu stöðum. Nú er ég farinn að skilja örvæntingu og ofsa gróðapunganna í spillingarflokkunum að ná sem fyrst völdum aftur. Varnir þeirra eru að bresta svo öllum meðulum er beitt til að tefja sem mest störf núverandi valdhafa. Nú er mál til komið að eitthvað fari að gerast í þessum málum. Milljarðarnir hverfa endanlega ef ekki verður tekið hraustlega á málunum. Hreinsum af okkur skítinn svo alþjóðasamfélagið fari að taka mark á okkur.  Sæl að sinni.