Gjörsamlega vanhæfur skólastjóri.

Rekann straks.

Ráðist með grjóti á 16 ára pilt í FSu á Selfossi

"Góði strákurinn"

Sælt veri fólkið. Ég er hér skelli hlægjandi yfir fólki sem mærir hér Pétur Blöndal. Hann lætur svo lítið að vera sammála kröfum fólks í landinu um þjóðþing og er orðin hetja í augum sumra. Er þetta ekki maðurinn sem hélt því blákalt fram, að fólk gæti auðveldlega lifað af rúmum 100 þús. á mánuði? Er þetta ekki maðurinn sem ágirndist allt sem hét fé án hirðis? Er þetta ekki maðurinn sem fólk elskaði að  hata fyrir aðeins ári síðan og öll árin þar á undan. Það er ekki ofsögum sagt af skammtímaminni okkar íslendinga. Eða eru þetta flokksfélagar sem eru þó að reyna að sjá ljósið? Ekki veitti allavega af að reyna að laga ímynd eins helsta forsprakka frjálshyggjunar. Það er greypt í huga mér svipurinn á þessum manni í fyrsta sjónvarps viðtali eftir hrun. "Þetta er ekki neinum einum að kenna" marg ítrekaði hann, sem er auðvitað rétt. En það var ekki burðug hollningin á honum blessuðum. Má þó ekki gleymast að batnandi mönnum er best að lifa. Er samt kjaftfullur af tortryggni í hans garð, aurarnir ráða svo skelfilega miklu þegar hann á í hlut. Sæl að sinni.

Kastljósið.

Sælt veri fólkið. Horfði á kastljósið núna áðan. Hefði svo sem ekki átt að kippa mér upp við nöturlega frétt um hegðan mestu glæpafyrirtækja þjóðarinnar. En það hreyfði svakalega við mér að horfa á föður tjá sig um viðureign sína við tryggingafélag eftir hörmulegt slys sem hann lenti í með börnum sínum tveimur. Ég hreinlega brjálaðist á að þurfa heyra það að þessi glæpafélög geti borgað nánast það sem þeim sýnist. Enda eru varðhundar og hluthafar þessara félaga inni á Alþing. Settar eru á okkur skyldutryggingar í bak og fyrir en samt þurfa þau ekki að borga nema brot af því sem þeir eiga að gera. Sett eru bara lög sem tryggja það að börn og fullorðnir eru dæmd til sárafátæktar þrátt fyrir að öll gjöld séu greidd. Er sammála föðurnum, sem á alla mína samúð, við þurfum að hætta öllum greiðslum til þjófa (mín orð). Hef sjálfur uppgötvað að bíl sem ég átti og missti vegna tjóns sem annar olli var hreinlega stolið og seldur aftur á götuna. Þeir voru búnir að dæma hann ónýtan og óviðgerðarhæfan. Fyrir tilviljun mætti ég bara bílnum í umferðinni. Kannaði málið, hann var ekki einu sinni skráður sem tjónabíll. Hvað er gert við þjófa og glæpamenn? Ég bara spyr. Sæl að sinni.

Hverjir bera ábyrgð á svona löggjöf?

Sælt veri fólkið. Horfi út um gluggann á sendibíl af stærstu gerð. Merktur GROLSCH bjórnum í bak og fyrir. Bílstjórinn hefur tekið upp á þeirri ósvífni að skammta okkur íbúum hálfan götu-botnlangann til afnota. Skapar stórhættu í götunni, blindar útkeyrslu af bílaplönum hér. Ég hafði samband við lögreglu og bað þá að ganga í málin. Hér rétt fyrir ofan eru sérstök stæði fyrir þessa bíla. Þeir hringja til baka núna áðan og tilkynna mér það að það megi ekki leggja svona trukkum í götuna EFTIR KL. 10 á kvöldin.??????? Sem sagt eftir að mestu umferðinni líkur. Hvaða erkifífl setja svona lög??? Börnin eru að leik um alla götu meðan á útivistatíma stendur og þá mega svona menn skapa mestu hættuna? Það eru bara 2 ár síðan að ég var hársbreidd frá að drepa 2 börn í einu er þau skutust fram undan svona trukk. Ég hugsaði með hryllingi til afleiðingana ef um 17-18 ára gutta hefði verið að ræða. Séð þá fara á ofsahraða hér um. Þá var gengið í málin og hann fjarlægður. En það er semsagt í lagi að úthluta veiðileyfum á börnin til kl. 10. Ég get með engu móti skilið svona löggjöf. Engin furða að maður sé farinn að hljóma sem fúll á móti. Sæl að sinni.

Uppnám!

Sælt veri fólkið. Mér er það algjörlega óskiljanlegt uppnám stuðningsmanna íhaldsins, vegna ákvörðunar Valgerðar að segja sig frá vitleysingunum í Seðlabankanum. Það reynist þeim mjög erfitt að skilja að fólk geti fylgt sannfæringu sinni út í ystu æsar. Sýnir hið rétta eðli þessa fólks. "Fylgjum foringjanum fram í dauðann" er þeirra eina mottó. Gefum skít í álit meirihluta þjóðarinnar. Flokkurinn framar öllu. Tökum enga ábyrgð þó allt hryndi á okkar vakt. "Guð blessi Ísland en ekki við". Sæl að sinni.

Hvað er til ráða?

Sælt veri fólkið. Áfram eru "snillingarnir" á alþingi að gera upp á bak. Enginn vinnufriður er fyrir stuttbuxnadeildinni. Sandkassa metingurinn tröllríður öllu. Alþingi virðist varnarlaust fyrir svona gaspri daginn út og daginn inn. Íhaldið er búið að sína það í eitt skipti fyrir öll, að þau ætli sér alls ekki að hjálpa til við björgunarstörf þjóðarbúsins. Hvað getum við gert við þessa ónytjunga? Getum við ruðst inn á vinnustað þeirra, dregið þá út og hýtt þá? NEI, því miður. Það er refsivert að hýða óalandi grislinga. Hvað getum við þá gert? Við getum beðið okkar tíma, þ.e.a.s. eftir kosningum. Þar höfum við valdið, þetta augnablik sem við merkjum X-ið inn. Það er orðið ljóst að við megum undir engum kringumstæðum hleypa þessum grislingum að ríkis jötuni. Þeir eru stórhættulegir þjóðinni. Sigldu öllu á kaf, en neita allri ábyrgð. Hroki þeirra er slíkur að þeir líta orðið á sig sem alvitra og óskeikula snillinga. Nú er nóg komið. Höldum vöku okkar, sofnum ekki á verðinum. Fylgist með framkomu þeirra af athygli. Það mun greipast í minni okkar og koma að gagni inni í kjörklefanum. Sæl að sinni.

Geir "slátrað" á BBC

Sælt veri fólkið. Ég er satt að segja í áfalli eftir viðtalið við Geir á BBC í kvöld. Ein afsökunarbeiðni frá honum hefði nægt, en engin kom. Þulurinn reyndi ítrekað að opna honum leið til þess, en þrjóskan bar hann ofurliði. Hann virtist ekki skilja það, að enginn er að klína öllu hruninu á hann persónulega, heldur kerfinu sem hann stendur fyrir. En, engin ábyrgð, engin skilningur né samviska. Þrjóskan ein. Íhaldið hlýtur að vera stolt af framgöngu formannsins. Enn og aftur spyr ég, ÆTLAR FÓLK AÐ KJÓSA ÞETTA YFIR OKKUR Á NÝ. GUÐ BLESSI ÍSLAND. Sæl að sinni.

Skipulagðar tafir á Alþingi.

Sælt veri fólkið. Ég uppgötvaði allt í einu hvað allt þetta mjálm íhaldsins á að þýða á Alþingi. Þeir eru í örvæntingu að reyna að tefja allt starf stjórnarinnar til björgunarstarfa. Stutt er til kosninga og ekki reyndist það þeim vel ef tækist nú að finna góða leið fyrir okkur almenning. Við gætum tekið upp á þeim óskunda að kjósa stjórnina áfram til góðra verka!!! Þessir jakkafataklæddu ónytjungar sem, ALDREY HAFA LIFAÐ ÞAÐ AÐ VERA BLANKIR Á ÆVI SINNI, hika ekki við að brenna heimilin ofan af fjölda fólks. Frekar en missa þau völd sem þeir telja sig "eðalborna" til að fara með, drulla þau ofan í hálsmálið á okkur og draga Alþingi með sér ofan forarpytt forheimsku sinnar. Það versta er að fjöldi manna eru tilbúnir að veita þessu liði aðgang að ríkisjötuni á ný. GUÐ HJÁLPI ÍSLANDI!!! Ef þið viljið fremja kviðristu (HARAKIRI), EKKI DRAGA OKKUR MEÐ YKKUR. Sæl að sinni.

Kunna ekki að skammast sín.

Sælt veri fólkið. Hvernig er það? Þurfum við ekki að fara að taka upp hýðingar aftur? Ég er kominn með upp í kok að hlusta á íhaldsmenn tala eins og ekkert hafi í skorist þrátt fyrir ræfildóminn fyrir hrun. Þeir hafa hvítþvegið sjálfa sig af öllum syndum. Heilaþvotturinn er eins og hjá alkóhólsjúku fólki. Ósvífnin er slík að  krakkaormar sem sýndu annað eins voru hýddir hér áður fyrr. Hvernig getur fólk drepið samvisku sýna án þess að blikna? Eru þeir búnir að velta sér of lengi í vellistingum þýfisins? Spyr hér algjörlega gáttaðu maður.

"Væll Íhaldsins."

Sælt veri fólkið. Alveg stór kostulegt hefur verið að fylgjast með væli og grenjum fallinna íhaldsmanna undanfarið. Þeir skrækja um ofsóknir og einelti sem vesalings Seðlabankastjórarnir "þeirra" þurfi að þola. HVAÐ ER MÁLIÐ??? Þessir þaulsetnu menn hafa fengið tækifæri á tækifæri ofan til að hunskast burtu úr stólum sínum með smá reisn allavega en verið of þrjóskir til að fatta það. Fyrst menn átta sig ekki á þessum möguleikum í stöðunni, neyðist vinnuveitandinn að sjálfsögðu til að sparka í rassgatið á svona kjánum. Þeir bókstaflega báðu um þetta sjálfir. Nú finnst mér að fjármálaráðherra ætti að loka straks á allar greiðslur til þessara manna og láta þá sækja sín mál í gegnum dómskerfið. Þá gæti þjóðin fylgst með af áhuga hverju þessir hátekjumenn eru tilbúnir að fórna fyrir þjóð sína. Þeir hafa hæst talað um að láglaunafólk mætti alls ekki hækka í launum, því þá myndi verðbólgan ægilega fara af stað. Hvað eru við að upplifa? Verðbólgan og hrunið kemur vegna auðmanna og hátekjufólks eins og þeirra sem neita að víkja með góðu. Það er gaman að hlusta á þetta lið grafa sér sína eigin pólitísku gröf. Sæl að sinni.