Viðskiptafélagar.

Sælt veri fólkið. Það var skrautleg upptalningin um viðskiptafélaga fjármálaráðherrans í þætti Egiils H. í gær. Hvernig eigum við að trúa því, að um marktæka "rannsókn" verði að ræða, þegar ráðherrann er í samkrulli með helstu fjárglæframönnum þessa lands. Þeir hafa fengið að moka í slóð sína vikum saman og neita að drulla sér í burtu. Hvað eigum við að bíða lengi eftir aðgerðum? Þeir vita sem er að þol þessarar þjóðar er ekkert. Núna bíða þeir eftir að öldur lægi, svo hægt verði að loka öllum leiðum innan kerfisins og ekkert bendli þá við ósómann. Erum við að gefast upp í þessari baráttu? Við verðum að halda áfram að krefjast afsagnar þeirra manna, sem hlut áttu að máli. Við megum ekki gefast upp vegna þrjósku þeirra. Það yrði okkur til ævarandi skammar. Sæl að sinni.