Hræsni!!

Sælt veri fólkið. Mikið óskaplega fór Þorgerður Katrín í taugarnar á mér í þættinum Mannamál í kveld. Hljómaði vel þegar hún talaði um Evru og ESB en sökkti sér til botns þegar hún var að tala um að við íslendingar værum stolt og þrjósk þjóð sem myndi standa þetta ástand af sér. Í hvert sinn sem ég hlusta á þetta lið sem aldrei hafur verið blankt, við að missa ofan af sér húsnæði, misst vinnuna eða uppllifað óöryggið í svona ástandi, verður mér flökurt. Skoðið bara lúxusinn í kringum þetta lið og dæmið svo. Ég frábið mér því að þurfa að hlusta svona "hughreystingar" frá þessu liði. Hafið vit á því að steinþegja. Hræsnin lekur af ykkur þegar þið standið fyrir utan lúxusinn og setjið upp raunarsvip. Hvernig á venjulegt fólk að standa af sér atvinnuleysið og gjaldþrot heimila með æðruleysi? Eru þau til í að skipta við okkur þó ekki væri nema í 1 ár eða svo? 

Athugasemdir

[Greta Björg Úlfsdóttir, 2.11.2008 kl. 22:17]

Segjum tvö. Ég þoli konuna alls ekki. Sér í lagi ekki síðan hún þeyttist tvisvar í röð til Kína og heim aftur ásamt fylgdarliði, þar á meðal manninum sínum, til að horfa á handbolta, allt á okkar kostnað. Þetta er með því yfirgengilegasta bruðli sem maður hefur heyrt um. Hneykslunin yfir því gleymdist hins vegar í sigurvímunni yfir silfrinu.

Húllumhæið á Lækjartorgi var svo önnur hneisan. Þar var bruðlað ríkulega og fólki sem ekkert hefur með íþróttir að gera stillt upp sem puntudúkkum. Enda fannst mér flott þegar Ólafi láðist að taka í spaðann á liðinu, það voru nú einu sinni strákarnir sem voru aðalatriðið, ekki snobbsamkundan.