Og þjófarnir brosa!

Samkvæmt þessu skulum við láta algerlega afskiptalaust þegar slys ber að höndum! Nú verður harður árekstur, það kviknar í bílnum og bílstjóri er meðvitundarlaus við stýrið! Þú sérð möguleika á því að geta dregið hann út úr bílnum en munt örugglega hljóta einhver brunasár! Það liggur í augum uppi samkvæmt þessum dómi, að þar sem þú munnt missa úr vinnu og hljóta einhver lýti eftir brunann, borgi sig frekar að horfa á bílstjórann stikna í bíl sínum frekar en þurfa að bera tjón þitt sjálfur. Þjófafyrirtækin sem eru áskrifendur að peningum okkar í gegnum skyldutryggingar, lögvarðar af hyski sem kalla sig stjórnvöld og vernduð af sama hyskinu innan dómskerfisins, greiða ekki krónu frekar en fyrri daginn og komast upp með það! "Látið helvítin frekar drepast" eru skilaboð þeirra! Hvernig er það? Á ekki að koma ákvæði inn í stjórnarskrá þessa lands, að borgurum sé það leyfilegt og skylt að hrista af sér einskisnýt og þjóðarskemmandi yfirvöld? Og það utan kosninga? Sæl að sinni!
mbl.is Fær ekki bætur fyrir að hjálpa vinnufélaga
Tilkynna um óviðeigandi tengingu við frétt

Loksins.

Nú geta þeir líklega farið að framleiða frambærilega knattspyrnumenn? Ekki veitti af eftir hrun liðsins.
mbl.is Sæðisframleiðsla í Newcastle
Tilkynna um óviðeigandi tengingu við frétt

Kveðja til íhaldsins.

Sælt veri fólkið. Mætti manna fyrstur á minn kjörstað í morgun. Kaus með gleði í hjarta. Það liggur eitthvað í loftinu, flenging hægri manna eða eitthvað í þeim dúr. Nú geta þeir sem hér ausa óhróðri yfir velferðarflokkana haldið sig á mottuni. Fólk er nú þegar búið að ákveða flengingu íhaldsins. Það er löngu orðið tímabært að losa ykkur við bölvaðann hrokann og ribbaldaháttinn sem auðkennt hefur ykkur. Það þarf hreinlega að umgangast ykkur eins og fordekraða krakkagrislinga sem staðið hafa of lengi við nammibarinn. Nammið er búið gott fólk. Sjáum til hvernig uppeldið hefur tekist eftir 4 ár. Sæl að sinni.

Dauðateygjur.

Sælt veri fólkið. Vill ítreka skilaboð mín sem ég birti hér fyrr í kvöld. Íhaldsmenn, fallið með sæmd, hættið örvæntingarfullu skítkasti í allar áttir. Nú er ykkar tími liðinn og annað siðferði tekur við. Lets face it. Sæl að sinni.

Í dauðateygjunum.

Sælt veri fólkið. Mig langar að biðja hægri menn hér á þessum síðum að hætta þessu örvæntingarfulla skítkasti og falla með reisn. Íhaldið er í dauðateygjunum sem forystuflokkur í þessu landi. Örvæntingin er slík að óhuggulegt er að sjá menn eins og Ingva Hrafn á netinu. Þar birtist hann sem snargeggjaður ofsatrúarklerkur, fórnandi höndum og gaggar um meira að segja nasisma?????? Ég sá fyrir mér spennitreyjuna dinglandi fyrir aftan hann eins og FL og önnur auðmanna félagsmerki sjást ætið þegar íhaldsmaður birtist á skjánum. Fallið með reisn kæru íhaldsmenn, það sýnir mestann manndóminn. Sæl að sinni.

Ráðlegging til íhaldsins.

Sælt veri fólkið. Ég ætla að leifa mér þá dirfsku að gefa íhaldinu gott ráð. Farið nú að þagna gott fólk. Það virðist allt verða ykkur að tjóni, þó sérstaklega þegar þið opnið munninn. Þið sökkvið dýpra og dýpra, í eigin heimi. Það er eðli kviksyndis að soga fastar eftir því sem spriklið er meira. Fullyrðingar og upphrópanir í allar áttir eru farnar að virka hjáróma. Eina manneskjan með viti virðist vera sú skapstóra Ríkharðsdóttir í Mosfellsbæ. Enda af frægu kyni af Skaganum. Nú er upprunnin stund þagnarinnar ef þessi flokkur á ekki að fara í 10% fylgi. (Eins og mér væri nú ekki slétt sama.) Sæl að sinni.

Tryggingafélög hljóta að boða lækkun!!!!

Sælt veri fólkið. Nú gleðst ég óendanlega yfir stórkostlegum fréttum. Slysum hefur fækkað, banaslysum einnig. Nú bíð ég spenntur eftir tilkynningu tryggingafélaganna, sem arðrænt hafa fólkið í áratugi, um væna lækkun á iðgjöldum okkar. Aðal afsökun hækkana þeirra í gegnum árin hefur verið vegna fjölgana slysa. Nú liggur í augum uppi að svigrúm gefst til lækkana. Eða hvað? Ætla þau kannski að halda áfram þjófnaði sínum, eins og þeim hefur árum saman liðist, undir verndarvæng varðhunda sinna og hluthafa inni á Alþingi??? Þurfum við kúnnarnir kannski að sækja rétt okkar í gegnum réttarkerfið? Þetta eru að stærstum hluta skyldutryggingar svo það hljóta að vera til lög sem vernda eiga okkur viðskiptavinina. Eða er öllum kannski skít sama? Íslendingar hafa alla tíð verið kjörin fórnarlömb fjármálaglæpahyskis í gegnum tíðina. Bankar stela af fólki, tryggingafélög stela af fólki, allt undir verndarvæng alþingis. Og þetta hafa kjánarnir í þessu þjóðfélagi kosið yfir okkur aftur og aftur. Svo eru stjórnvöld hissa á því að almenningur reyni eins og hægt er að stunda sama leik, til að bjarga sjálfum sér og fjölskyldum sínum. Nú grunar mig að einhverjir fari að rísa upp af rassgatinu og taki hreinlega lögin í sínar hendur. Það þarf ekki annað en að lesa bloggsíður og hlusta á fólk útí samfélaginu þessu til staðfestingar. Það fer að sjóða upp úr og það fyrr en seinna. Fólk ætlar ekki að láta þetta græðgishyski vaða endalaust yfir sig. Brauðmolar duga ekki lengur. Sæl að sinni.

Talar framsóknarflokkurinn einn um niðurfellingu?

Sælt veri fólkið. Er enn eitt kosninga trikkið á borði Framsóknar? Hvernig stendur á því að aðrir flokkar  taka ekki í mál að fella niður hluta skulda hjá fólki? Nú, við erum múlbundin AGS, sem gefur skít í hrun heimila. Eingöngu fjármálastofnunum skal bjarga, er þeirra mottó. Eru félagshyggju flokkarnir á móti þessu sanngirnis sjónarmiði? Hvur fjandinn er að gerast þegar meira að segja þeir ljá þessu ekki máls. Hvað með fólkið sem enn getur borgað, en horfir bjargarlaust á lán sín hækka um milljónir sem aldrei munu hverfa? Er það tilfellið að þeim finnist bara allt í lagi að fólk sjái afborganir lána sinna hækka upp úr öllu valdi? Sér er nú hver helvítis umhyggjan fyrir þjóð sem blæðir. Ég heimta skýringu á því hvað veldur þessum undirlægjuhætti gagnvart AGS. Það er lágmarkskrafa að skýr svör fáist og það straks. Ég veit eins og megnið af þjóðinni, að við tökum við gjaldþrota búi í boði íhaldsins, en öllu má nú of gera. Það er siðferðisleg skylda allra flokka að ráðast með hörku gegn þessu svakalegasta áfalli sem heimili íslenskrar þjóðar hafa orðið fyrir. Ekki vilja stjórnmálamenn færa vandamálið út á götur borga og bæja, EÐA HVAÐ? Sæl að sinni.

Eru bankar og fjármálastofnanir stikkfrí?

Sælt veri fólkið. Ég er vægast sagt orðlaus yfir því, að stjórnvöld ætli sér þann ósóma, að láta almenning standa einan undir hruni þjóðarinnar. Hvaða andskotans rugl er þetta hjá ráðamönnum að láta svona út úr sér? Ef þeir trúa því virkilega að þjóðin þegi yfir enn einni aftanítökunni, hljóta þeir að vera bilaðir. Það er hreinlega krafa þjóðarinnar að skuldasúpunni verði dreift á milli almennings og lánveitenda þessa lands. Það er óhjákvæmilegt að um niðurfellingu hluta skulda verði tekin fyrir straks. Þetta kallast réttlát skipting, ef stjórnmálamenn skyldu hafa gleymt orðunum. Undirlægjuhátturinn gagnvart AGS er nægur fyrir. Sæl að sinni. 

Ísland á alls ekki að borga.

Sælt veri fólkið. Það er heldur betur athyglisvert að lesa greinina eftir sérfræðinginn sem kom fram í Silfrinu í gær. Árás hefur verið gerð á landið og allt íslenska kerfið er lagt undir. Það er skýlaus krafa hjá okkur kjósendum, að þeir flokkar sem í framboði eru, tilkynni okkur hvort þeir ætli sér að kaffæra íslenska þjóð í skuldum, eða ætli sér í róttækar aðgerðir fyrir hinn almenna borgara. Ætla þeir að afhenda fjármálabröskurum okkar síðustu krónur eða tilkynna þeim sömu að þeir geti hoppað upp í rassgatið sér og skellt í lás? Við vitum nákvæmlega hvar Sjálfstæðisflokkurinn stendur. Það eru varðhundar fjármagnsins sem þar hafa öll völd og munu auðmenn fá allt sitt þýfi á silfurfati frá þeim. Aftur á móti heimta ég skýr svör frá öðrum flokkum hvað þetta varðar. Allt velferðarkerfið riðar til falls, ekkert fjármagn fæst til framkvæmda og samt á íslensk þjóð að standa skil á greiðslum á þýfi örfárra manna. Hvernig er hægt að skilja svona dellu? Ég geri þá kröfu að íslendingar láti af sínum dæmalausa hroka og heimsku og hlusti á mann sem hefur unnið við eitt stærsta iðnaðar og fjármálakerfi heimsins, BNA. EINA leiðin er að greiða alls ekki þessar ofurskuldir sem á okkur hvíla og drífa sig í að leiðrétta þetta vaxta okur sem á okkur hvílir. Ég krefst þess að ríkisstjórn þessa lands og sú sem verður við lýði eftir kosningar gangi fram af fullri hörku gegn þeim öflum sem ætla sér að knésetja okkur. Hlustum alls ekki á hræðslu áróður íhaldsins, þeir eru flestir gerðir út af auðmönnum og svífast einskis í kaldastríðs komma kjaftæði sem enginn heilvita maður tekur mark á. Af öllum þeirra skrifum og málæði má sjá, að þar fer gjörsamlega heilaþvegið lið af eigin áróðri. FÓLKIÐ Í FORGANG, ALLT ANNAÐ MÁ FARA FJANDANS TIL.  Sæl að sinni.

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband